បានល្អមុនពេលទៅធ្វើបទសម្ភាសន៍ ជាពិសេស
ត្រូវបង្កើនចំណាប់អារម្មណ៍ចំពោះនិយោជកដែលជាមនុស្សពោរពេញទៅដោយសក្តានុពល។
ការណែនាំខាងក្រោមនេះនឹបង្កើននូវភាពជឿជាក់ដោយ ជួយលោកអ្នកក្នុងការរៀបចំខ្លួនសម្រាប់ដំណាក់កាលនីមួយៗនៃកា រធ្វើបទសម្ភាសន៍ ដែលចាប់ផ្តើមពីការរៀបចំឆ្ពោះទៅកាន់បទសម្ភាសន៍ និងក្រោយការបញ្ចប់បទសម្ភាសន៍។
១.មុនពេលសម្ភាសន៍
ការរៀបចំខ្លួនលោកអ្នកសម្រាប់ការធ្វើបទសម្ភាសន៍ ត្រូវបានរួមបញ្ចូលទាំងការស្វែងរកព័ត៌មានដែលទាក់ទងទៅនឹងនិយោជក ដែលអ្នកកំពុងចង់ធ្វើការជាមួយ មានន័យថា លោកអ្នកគួរតែអានឱ្យបានច្បាស់លាស់គ្រប់ព័ត៌មានដែលទាក់ទងទៅនឹង ក្រុមហ៊ុន និងឧស្សាហកម្មរបស់គេ។ លោកអ្នកមានចំណេះដឹងបានកាន់តែច្រើនពាក់ព័ន្ធជាមួយក្រុមហ៊ុន និងឧស្សាហកម្ម របស់គេ លោកអ្នកនឹងភ្ជាប់កាយដោយភាពវៃឆ្លាតដើម្បីត្រៀមឆ្លើយទៅគ្រប់សំនួរ ដែលរំពឹងថានឹងត្រូវបានគេសួរនៅពេលធ្វើបទសម្ភាសន៍។
ការត្រៀមលក្ខណៈសំខាន់មួយទៀតសម្រាប់ភាពជោគជ័យនៅក្នុងការធ្វើបទ សម្ភាសន៍ លោកអ្នកត្រូវតែផ្សារភ្ជាប់ឱ្យបានច្បាស់ជាមួយប្រវត្តិរូបផ្ទាល់ ខ្លួន។ លោកអ្នកគួរតែរៀបចំឱ្យបានលម្អិតនូវជីវប្រវត្តិផ្ទាល់ខ្លួន និងបទពិសោធន៍ដែលបង្ហាញនៅក្នុងលិខិតស្នើសុំនោះ។ ការសរសេរប្រវត្តិរូបមិនបានច្បាស់លាស់ ឬប្រវត្តិការងារចាស់ៗមានភាពសាំញ៉ាំ គឺជាការងាយស្រួលក្នុងការបំផ្លាញនូវភាពជឿជាក់របស់និយោជកមកលើ ខ្លួនឯងតែម្តង។ ដូច្នេះអ្វីដែលសំខាន់សម្រាប់រៀបចំខ្លួនធ្វើបទសម្ភាសន៍ លោកអ្នកគួរតែមកដល់កន្លែងសម្ភាសន៍ឱ្យបានមុនម៉ោង ដើម្បីឱ្យមានពេលត្រៀមខ្លួនប្រមូលគំនិតឱ្យបានមូល និងមានពេលវេលាគ្រប់គ្រាន់ក្នុងការទៅបន្ទប់ទឹក ដើម្បីរៀបចំខ្លួនម្តងទៀត ទាំងសម្លៀកបំពាក់ និងអត្តចរិតឱ្យបានល្អផងដែរ។ ក្នុងករណីដែលមកដល់មុនពេលកំណត់ គឺជាការគ្រប់គ្រងពេលវេលាបានល្អ ហើយផ្តល់លទ្ធភាពឱ្យលោកអ្នកអាចដោះស្រាយបានសម្រាប់ការពន្យាពេល ដែលមិនបានព្រៀងទុក។
២. កំឡុងពេលសម្ភាសន៍
លោកអ្នកត្រូវតែមានភាពគួរសមជាមួយមនុស្សដែលនៅកន្លែងសម្ភាសន៍ ពីព្រោះអ្នកសម្ភាសន៍ជានិច្ចកាលតែងតែសួរដល់អ្នកទទួលភ្ញៀវ និងសន្តិសុខដើម្បីទទួលបានព័ត៌មានខ្លះពីខ្លួនអ្នក ហើយបើមានចម្លើយអវិជ្ជមានណាមួយវាអាចនឹងបំផ្លាញឱកាសលោកអ្នកក្នុង ការជ្រើសរើសនោះ។ ដំណាក់កាលនៃការធ្វើបទសម្ភាសន៍មានគុណសម្បត្តិពីរយ៉ាង គឺទីមួយនិយោជកអាចវាយតម្លៃថា បេក្ខភាពរបស់លោកអ្នកស័ក្តិសមទៅនឹងតួនាទីឬទេ ហើយខ្លួនអ្នកផ្ទាល់អាចរកឃើញថា ក្រុមហ៊ុនដែលអ្នកកំពុងសម្ភាសន៍ គឺជាកន្លែងដ៏ល្អប្រសើរ ដូចដែលលោកអ្នករំពឹងទុកឬយ៉ាងណា?។ នៅក្នុងដំណាក់កាលដំបូងនៃការធ្វើបទសម្ភាសន៍ និយោជកតែងតែផ្តល់ព័ត៌មានអំពីក្រុមហ៊ុន និងមុខនាទីការងារ ដែលោកអ្នកបានស្នើសុំ ។ ដូច្នេះលោកអ្នកត្រូវសំដែងការចាប់អារម្មណ៍នូវពាក្យសំដីរបស់គាត់។ ចំពោះព័ត៌មានទាំងឡាយណាដែលនិយោជកផ្តល់ឱ្យនៅក្នុងកិច្ចសម្ភាសន៍ វាជាគន្លឹះសម្រាប់ឱ្យអ្នកសួរវិញនៅពេលដែលបញ្ចប់នូវកិច្ចសម្ភាសន៍ នោះ។
សំនួរទាំងឡាយដែលអ្នកសម្ភាសន៍តែងតែសួរនោះ ជានិច្ចកាលគឺជាប្រភេទសំនួរដែលសួរដើម្បីធ្វើការស្វែងយល់ពី បុគ្គលិកលក្ខណៈរបស់អ្នកឱ្យបានកាន់ច្រើន ពោលគឺគាត់សួរទាក់ទងទៅនឹងបទពិសោធន៍ និងអត្តចរិត ដើម្បីឱ្យដឹងថាតើលោកអ្នកស័ក្តិសមជាមួយតំណែងដែលគាត់ប្រកាសរក នោះដែរឬទេ។ អ្វីដែលសំខាន់ទៀតនោះ គឺលោកអ្នកត្រូវតែឆ្លើយតបទៅនឹងសំនួរដោយធ្វើការចង្អុលបង្ហាញ ឬបញ្ជាក់ឱ្យឃើញពីសមត្ថភាពរបស់ខ្លួន។ បើនិយាយពីសមត្ថភាពវិញ លោកអ្នកត្រូវមានភាពប្រាកដប្រជា ហើយឆ្លើយផ្តោតអារម្មណ៍ទៅលើសំនួរទាំងនោះ ដោយបញ្ជាក់អំពីចំណុចខ្លាំង និងបទពិសោធន៍ក្នុងគោលបំណងស្តែងឱ្យឃើញថា អ្នកពិតជាមនុស្សដ៏ត្រឹមត្រូវបំផុតសម្រាប់តំណែងនេះ។ ចូរចងចាំថា លោកអ្នកគួរជៀសវាងការឆ្លើយថា “បាទ ឬក៏ទេ ” ទាក់ទងទៅប្រភេទសំនួរណាទាំងឡាយណាដែលបង្ហាញថា លោកអ្នកគឺជាបុគ្គលទន់ខ្សោយ ឬជំនាញក្នុងការទំនាក់ទំនងរបស់អ្នកមានភាពទន់ខ្សោយ ហើយវាជាហេតុដែលធ្វើឱ្យអ្នកមិនមានឱកាសបង្ហាញពីសមត្ថភាព ផ្ទាល់ខ្លួន។
នៅក្នុងតំណាក់កាលធ្វើបទសម្ភាសន៍ រឿងដែលសំខាន់បំផុត គឺត្រូវឆ្លើយ និងស្តាប់ដោយយកចិត្តទុកដាក់ ហើយមិនត្រូវមានភាពតានតឹងឡើយ។ ស្តាប់ទៅនឹងសំនួរទាំងអស់នោះមុនពេលដែលឆ្លើយ។ ចូរចងចាំថា គ្រប់ចម្លើយរបស់យើងត្រូវតែច្បាស់លាស់ និងមានភាពសមរម្យក្នុងការបញ្ជាក់ឱ្យឃើញពីចំណុចខ្លាំងថា យើងគឺជាបេក្ខជនដែលស័ក្តិសមបំផុតចំពោះការងារនេះ។ ជាសរុបទៅលោកអ្នកត្រូវចេះធ្វើម្ចាស់ការខ្លួនឯង និងមានភាពម្ចាស់ការដោយខ្លួនឯង។ ការដែលលោកអ្នកប្រឹងសំដែងឬកពារ ឬ អារម្មណ៍ដើម្បីទទួលបានការងារនោះ អាចជាឧបសគ្គយ៉ាងធំដែលផ្ទុយពីការរំពឹងទុក។ នៅពេលដែលគេផ្តល់ឱកាសឱ្យសួរសំនួរ ចូរសួរនូវសំនួរទាំងឡាយណាដែលឆ្លុះបញ្ជាំងពីចំណាប់អារម្មណ៍របស់ ខ្លួនទៅក្នុងក្រុមហ៊ុន និងតួនាទីដែលកំពុងសម្ភាសន៍។ សំនួរដែលសមរម្យមួយចំនួនដែលលោកអ្នកអាចសួរបាននោះគឺ ៖
តើខ្ញុំគួរតែរាយការណ៍នូវការងាររបស់ខ្ញុំទៅអ្នកណា?
តើក្រុមហ៊ុនមានកំណត់ត្រាអំពីការលើកទឹកចិត្តដែរឬទេ?
ហេតុអ្វីបានជាតំណែងនេះនៅទំនេរ?
តើអ្វីដែលជាកត្តាប្រកួតប្រជែងក្នុងការប្រឈមមុខរបស់ក្រុមហ៊ុន?
តើពេលណាលោកអាចឱ្យខ្ញុំចាប់ផ្តើមបាន (ប្រសិនបើខ្ញុំទទួលបានការងារ)?
៣. ក្រោយសម្ភាសន៍
ក្រោយពីធ្វើបទសម្ភាសន៍ លោកអ្នកគួរតែសរសេរអ៊ីមែលមួយទៅកាន់និយោជក ដោយបង្ហាញពីចំណាប់អារម្មណ៍ និងការត្រេកអរក្នុងឱកាសដែលលោកអ្នកបានចូលរួមសម្ភាសន៍។ ហើយនេះជាដំណាក់កាលមួយទៀតដែលលោកអ្នកមានឱកាសដើម្បីបញ្ជាក់អំពី ចំណាប់អារម្មណ៍របស់ខ្លួនចំពោះតួនាទីដែលកំពុងស្នើសុំ ក៏ដូចជាឱកាសរបស់់លោកអ្នកក្នុងការបង្ហាញពីខ្លួនលោកអ្នកម្តងទៀត។ ចូរចងចាំថា លោកអ្នកត្រូវធ្វើការបង្ហាញនូវចំណាប់អារម្មណ៍ដែលទាក់ទងទៅនឹងប្រធាន បទនៃការពិភាក្សាក្នុងបទសម្ភាសន៍ ឬដ្ឋភាពនៃក្រុមហ៊ុនដែលជំរុញទឹកចិត្តលោកអ្នកឱ្យឆេះឆួលចង់បម្រើការ ងារ និងអារម្មណ៍ដែលលោកអ្នកទទួលការប៉ះពាល់ចិត្តពីនិយោជកជាដើម៕
ចម្លងពី៖ seekideal.com
0 comments:
Post a Comment